I ashtuquajturi drejtor i të ashtuquajturës Zyrë për Kosovën Marko Gjuriq ka deklaruar se Serbia është e befasuar me Rezolutën e Kuvendit të Kosovës me të cilën kërkohet ndërprerja e dialogut me Serbinë, transmeton koha.net.
Gjuriq, nuk ka përmendur se Rezoluta e Kuvendit të Kosovës kërkon ndërprerjen e dialogut me Serbinë deri në lirimin e Ramush Haradinajt i cili po mbahet i ndaluar në Francë që nga 4 janari me urdhër arrest të Serbisë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Beogradi mbetet i përkushtuar ndaj bisedave si mënyrë për zgjidhjen e kontesteve dhe harmonizimit të interesave me përfaqësuesit politikë të shqiptarëve”, citon FoNet të ketë thënë Gjuriq.
Sipas tij, tani është e qartë se gjithë atë që kanë bërë shqiptarët e Kosovës me ngritjen e tensioneve, është vetëm justifikim që të ndërpriten marrëdhëniet dhe dialogu me serbët dhe Beogradin.
"E, pas deklarimit publik të kuvendit të krahinës dhe pas përpjekjes thellësisht të gabuar e ilegale për formimin e të ashtuquajturës ushtri kosovare, u pa qartë se nuk janë të gjithë aktorët në dialog të përcaktuar për stabilitet e paqe”, ka akuzuar Gjuriq.