Reshjet e shiut vështirësuan qarkullimin në rrugët e Pejës

Reshjet e shiut kanë vështirësuar zhvillimin e komunikacionit në qytetin e Pejës.

Në videot që lexuesit i kanë dërguar portalit Koha.net, shihet se rrugët janë mbushur me ujë si pasojë e reshjeve të shiut.

Ndërkaq deri tash nuk është raportuar për aksidente në komunikacion pas reshjeve.

Instituti Hidrometeorologjik i Kosovës njoftoi se gjatë pesë ditëve të ardhshme do të mbajë mot me diell, vranësira, reshje shiu e shkarkime elektrike.