Federata Sindikale e Punëtorëve Teknikë të Sektorit Privat të Kosovës (FSPTSPK) njoftoi se është pezulluar greva e punëtorëve teknikë në shkollat e Komunës së Prishtinës, pas realizimit të kërkesës për ekzekutimin e pagave të muajit prill.
Sipas njoftimit, sot në zyrat e federatës është mbajtur takim me përfaqësuesit e punëtorëve teknikë, ku është vendosur që greva të pezullohet deri më 25 maj 2026.
Ky vendim, sipas FSPTSPK-së, është marrë për t’u dhënë kohë institucioneve përgjegjëse dhe kompanive që të realizojnë edhe kërkesën tjetër të punëtorëve, respektivisht lidhjen e kontratave të punës për të gjithë punëtorët teknikë.
Federata ka paralajmëruar se nëse deri në afatin e caktuar nuk realizohen kërkesat e punëtorëve, organet sindikale do të vendosin për vazhdimin e veprimeve sindikale, përfshirë rikthimin e grevës.
-
Punëtorët teknikë të shkollave fillore e të mesme paralajmërojnë grevë më 1 shtator
-
Nesër në grevë punëtorët teknikë të shkollave në Prishtinë
-
Prindërit i kërkojnë masa Komunës për të ndalur grevën e punëtorëve teknikë në shkolla
-
Shkollat në Prishtinë, ende pa mirëmbajtës
-
Azemi: S’ndalet greva pa u paguar borxhet ndaj punëtorëve teknikë të shkollave në Prishtinë