Prishtina ende pa organizim të aktiviteteve verore

Me ngritjen e temperaturave, sheshet e Prishtinës marrin gjallëri.

Fëmijët që lozin nën shoqërimin e prindërve të tyre, qytetarë që dalin të relaksohen duke ecur dhe qentë endacakë që e kanë bërë territor të tyre këtë pjesë.

Janë disa nga ato që e karakterizojnë Prishtinën në orët e mbrëmjes, ende pa nisur sezoni verore.

Mirëmbajtja më e mirë e qendrës së Prishtinës është kërkesë e qytetarëve.

Megjithëse përreth ka banorë që jetojnë, poshtë ndërtesave, nëpër kafene muzika nuk pushon.

Ky është një problem i kahershëm, për të cilin banorët kërkojnë zgjidhje gjatë gjithë kohës.

Ndryshe, Komuna e Prishtinës çdo vit organizon aktivitete të ndryshme verore në sheshet e Prishtinës.

Drejtoresha e Kulturës, Arta Balaj, ka thënë për KOHËN se ende nuk kanë diçka konkrete për këtë verë.

Prishtina është vonuar me emërimin e Drejtorisë së Kulturës, pothuajse 4 muaj pas marrjes së mandatit nga kryetari Përparim Rama.