Policia e Kosovës ka njoftuar se protesta e sotme kundër verdiktit të Dhomave të Specializuara ndaj ish-krerëve të Ushtrisë Çlirimtare të Kosovës ka përfunduar pa ndonjë incident.
Policia ka falënderuar organizatorët dhe qytetarët për sjelljen dhe për respektimin e udhëzimeve.
“Policia e Kosovës, lidhur me protestën e mbajtur sot në orën 16:00, në sheshin ‘Skënderbeu’ në Prishtinë, ashtu siç kishte paralajmëruar ka ndërmarrë masat e nevojshme policore për ofrimin e sigurisë, ruajtjen e rendit e qetësisë publike si dhe mbarëvajtjen e protestës në aspektin e sigurisë, e cila përfundoi rreth orës 17:50 në mënyrë të qetë dhe pa ndonjë incident. Policia e Kosovës, falënderon organizatorët dhe mijëra qytetarë pjesëmarrës për qytetarinë, kulturën dhe sjelljen paqësore të treguar, e në veçanti për respektimin e udhëzimeve të dhëna nga zyrtarët policorë gjatë pjesëmarrjes në protestë dhe qarkullimit në trafikun rrugor. Protestimi në mënyrë të qetë, sjellja e përgjegjshme dhe respektimi i udhëzimeve policore kontribuuan në mbarëvajtjen e qetë dhe të sigurt të protestës paqësore”, ka njoftuar Policia e Kosovës.
1 tetori i protestave: Dikur rezistencë, sot thirrje për liri
-
Policia: Protesta përfundoi qetë e pa incidente serioze
-
Policia u bën thirrje protestuesve që të mos mbajnë maska
-
Policia tregon se një protestuesi i përkeqësua gjendja dhe iu dha ndihmë
-
IPK-ja nis hetim preliminar për veprimet policore gjatë protestës
-
Pas eskalimit të situatës, Policia del me njoftim