Në takimin e rregullt të Kuvendit Komunal të Pejës, të premten, gjatë shqyrtimit të raportit të te hyrave dhe shpenzimeve buxhetore për vitin e kaluar, ndër pikat e shumta të nxehta të debatit mes këshilltarëve të opozitës dhe Ekzekutivit të Komunës kanë qenë edhe mjetet e ndara nga buxheti i Kosovës për paga e mëditje dhe shpenzim i karburanteve për automjete,shkruan sot “Koha Ditore”.
Reshat Nurboja, këshilltari i subjektit opozitar Alternativa, ka thënë se nga buxheti i Kosovës, Komuna e Pejës ka marrë vjet mjete financiare në emër të pagave për 2 mijë e 225 punëtorë, ndërsa sipas tij, realisht gjatë vitit të kaluar kanë qenë të punësuar 2 mijë 135 punëtorë, përfshirë Administratën Komunale, Arsimin e Shëndetësinë primare.
“Do të thotë se kanë qenë 90 punëtorë më pak. Kjo rezulton se nuk janë paguar 1 mijë e 80 paga për tërë vitin. Pyetja shtrohet se ku janë ato mjete. A iu kanë kthyer buxhetit apo çfarë ka ndodhur me ato mjete”, ka pyetur Nurboja. Këtë çështje e ka potencuar edhe këshilltari i AAK-së opozitare, Arbër Grabovci, sipas të cilit, meqë kanë qenë 90 punëtorë më pak, pse Komuna nuk i ka plotësuar ato vende të pune.
(Artikullin e plotë mund ta lexoni sot në “Koha Ditore”)
-
Kuvendi i Pejës miratoi buxhetin për vitin 2022
-
Opozita kritikon Komunën e Pejës që s’ka ndihmuar financiarisht personat me COVID-19
-
Peja rrezikon të mbesë pa shërbim të bartjes së mbeturinave
-
Kuvendi Komunal i Pejës miratoi kërkesën për bartjen e 1.4 milionë eurove në kode tjera buxhetore
-
Auditori gjen se Komuna e Pejës angazhoi 97 punëtorë pa konkurs apo procedurë formale