Ministrja e Mjedisit, Fitore Pacolli, ka njoftuar të martën se ka vendosur një afat 15-ditor që gurthyesit t’i nënshtrohen procesit të verifikimit të pajtueshmërisë ligjore, teknike e mjedisore.
Në rast se nuk e bëjnë këtë brenda këtij afati, Pacolli ka thënë se kjo rezulton në humbje të së drejtës për shqyrtim administrativ dhe aktivizon inspektim në terren.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistrja ka thënë se vendimin e ka marrë për shkak të dëmtimeve ndër vite të maleve nga veprimtaria e gurthyesve.
“Për vite me radhë, malet dhe peizazhet tona të bukura janë dëmtuar nga shfrytëzimi shpeshherë i pakontrolluar dhe përtej lejeve nga veprimtaria e gurëthyesve. Prandaj, sot kam nënshkruar një vendim urgjent dhe të pakompromis për vendosjen e rregullit në këtë sektor. Vendimi OBLIGON të gjithë operatorët e gurëthyesve që në mënyrë të prerë e të menjëhershme t'i nënshtrohen procesit të verifikimit të plotë të pajtueshmërisë ligjore, teknike e mjedisore. Operatorët OBLIGOHEN që brenda 15 ditëve t'i përgjigjen kërkesës së ministrisë. Ky afat është i padiskutueshëm dhe mosdorëzimi i dokumentacionit brenda afatit rezulton në humbje të së drejtës për shqyrtim administrativ dhe aktivizon inspektimin e jashtëzakonshëm të menjëhershëm në terren”, ka shkruar ajo në Facebook. “Pasuria e Kosovës është pasuri e përbashkët, prandaj çdo shfrytëzim i saj duhet të bëhet në përputhje me ligjin”.