Prizren, 24 gusht – Organi Shqyrtues i Prokurimit ka konfirmuar anulimin e aktivitetit të prokurimit për ndërtimin e teleferikut për qasje më të lehtë në Kalanë e Prizrenit.
Ajo ka marrë parasysh argumentet e ofruara nga Komuna e Prizrenit për anulimin e këtij prokurimi. Në arsyetim është theksuar se ka skaduar edhe afati i lejes së ndërtimit për këtë projekt.
OSHP-ja në vendimin e vet ka bërë të ditur se ka miratuar si pjesërisht të bazuar ankesën e operatorit ekonomik "Energoremont DD - dega në Kosovë & Energorment DD & KAG Asphalt Company" lidhur me këtë lëndë.
Megjithëkëtë ky organ ka vërtetuar njoftimin e Komunës së Prizrenit për anulimin e këtij aktiviteti të prokurimit.
"Vërtetohet njoftimi për anulimin e aktivitetit të prokurimit me titull: "Ndërtimi i teleferikut për qasje më të lehtë në Kalanë e Prizrenit", iniciuar nga Autoriteti kontraktues, Komuna e Prizrenit", shkruan në vendimin e OSHP-së.
“Komisioni i vlerësimit ka konstatuar se me rastin e dhënies së lejes së ndërtimit për këtë projekt nuk janë respektuar ose janë shkelur tri ligje, të cilat i rregullojnë ndërtimet në Zonën Historike. Ato janë: Ligji për trashëgiminë kulturore, Ligji për Zonën Historike dhe Ligji për planifikim hapësinor”, thuhej në njoftimin për anulim të Komunës së Prizrenit (gjerësisht, sot në “Kohën Ditore”).
-
Sërish anulohet prokurimi për teleferikun në Kalanë e Prizrenit
-
Gjykata e tenderëve kundër anulimit të prokurimit për teleferikun
-
S’ka teleferik për në Kala, projekti shpallet i jashtëligjshëm
-
Kryetari i Prizrenit tregon pse u anulua projekti për teleferikun për në Kala
-
Kundërshtime për teleferikun në Kalanë e Prizrenit, Komuna paralajmëron se do ta anulojë tenderin