Opozita në Lipjan akuzon qeverisjen lokale për shpërndarje të ndihmave në baza partiake

Buxheti prej 50 mijë eurosh i ndarë ditë më parë nga Kuvendi Komunal për t’i ndihmuar familjet skamnore me pako ushqimore dhe higjienike në këtë kohë të pandemisë nuk i ka mjaftuar Ekzekutivit, raporton KOHA.

Të premten kanë mbajtur mbledhje të jashtëzakonshme për të kërkuar edhe 120 mijë euro për këtë, kërkesë që u miratua nga asamblistët.

Por, opozita vazhdimisht ka kritikuar pushtetin se me pako emergjente janë ndihmuar vetëm familjet mbi bazë të ngjyrimeve politike.

Vendimi është votuar edhe nga Lëvizja Vetëvendosje.

E AAK-ja ka kërkuar që të mos keqpërdoret situata e pandemisë për të përfituar dikush materialisht.

Edhe Arbëri 13 maj 2020 Opozita në Lipjan sërish akuzon qeverisjen lokale për keqpërdorim të parasë publike

Kurse kryetari i Komunës së Lipjanit, Imri Ahmeti, ka thënë se Shtabi Emergjent, këshillat e fshatrave dhe Qendra për Punë Sociale kanë krijuar një listë për t’i ndihmuar të gjitha ato familje që kanë nevojë.

Në Komunën e Lipjanit janë të regjistruara rreth 1.200 familje në asistencë sociale.