Ushtruesi i detyrës së ministrit të Mjedisit dhe Planifikimit Hapësinor Fatmir Matoshi sot ka pritur në takim kryetarin e komunës së Obiliqit Xhafer Gashi, me të cilin kanë nënshkruar një memorandum bashkëpunimi për realizimin e një projekti në fushën e mjedisit.
Matoshi ka thënë se kjo marrëveshje ka për qëllim financimin e projektit dyvjeçar për kanalizimin e dy fshatrave Brezhnicë dhe Kozaricë.
“MMPH beson fuqishëm se ky projekt do të arrijë të realizohet në mënyrën e më të mirë të mundshme. Për këtë vit do të ndahen 100 mijë euro, ndërsa në vitin 2019 do të ndahen edhe 100 mijë euro të tjera për projektin në fjalë”, ka thënë Matoshi, transmeton KosovaPress.
Ndërsa, kryetari Xhafer Gashi theksoi se kjo komunë në vazhdimësi ka pasur bashkëpunim me MPMH-në. Ai ka thënë se edhe mënyra e projekteve të tilla për ujëra të zeza është i mirëseardhur.
Sipas tij, Ligji për Obiliqin tashmë është planifikuar për buxhetin e vitit 2019, kur edhe do të implementohet në tërësi.
-
Obiliqi e Prishtina, fqinj jo të mirë - kryetari Thaçi paralajmëron kryetarin Rama
-
Thaçi: Lista Serbe i ka orientuar serbët në Obiliq që ta votojnë Gashin e LDK-së
-
Abdixhiku: Obiliqi meriton qeverisjen më të mirë – mbështetje për Xhafer Gashin
-
Salihu i Nismës: Ujësjellës, kanalizimi e mbeturina s'duhet askush t'i premtoj, janë në mandat të punës
-
Kelmendi i PDK-së akuzon kryetarin: S'ka vizion, drejtorin e urbanizmit e ka sociolog