Ministri i Mjedisit dhe Planifikimit Hapësinor, Fatmir Matoshi, sot në Kamenicë, së bashku me kryetarin Qëndron Kastrati ka nënshkruar 4 memorandume për financimin e 4 projekteve që këtë vit do të realizohen në këtë komunë, bëhet e ditur përmes një komunikate për media.
“Rregullimi i shtratit të lumit Desivojcë - Shipashnicë në vlerë 700.000 euro, granti “Ta pastrojmë Kosovën”, në vlerë 150.000 euro, administrimi i banesave në bashkëpronësi, në vlerë 50.000 euro si dhe pastrimi i zonave emergjente dhe kritike në vlerë 10.000, janë 4 projekte tjera që MMPH po i financon në Kamenicë krahas edhe 3 projekteve tjera që janë në realizim e sipër me financimin e MMPH-së”, deklaroi Matoshi.
Matoshi me këtë rast u shpreh i lumtur që me këto projekte siç tha ai po arrijnë që të rrisin nivelin e mirëqenës së qytetareve të kësaj komune, të lënë anash nga qeveritë e kaluara.
“Këto projekte në vlerë totale prej 910.000 euro që do të financohen plotësisht nga Ministria e Mjedisit dhe Planifikimit Hapësinor dhe do të implementohen nga Komuna e Kamenicës, do të përmirësojnë kushtet e jetesës për banoret e komunës”, vlerësoi Matoshi.
Matoshi u shpreh optimist që procedurat e tenderimit dhe kontraktimit të përfundojnë sa më shpejt dhe të fillojnë punët në këto projekte.
-
900 mijë euro për shtratin e Krivarekës, 150 mijë për Katushnicën
-
MMPH mbështet 4 komuna me projekte mjedisore në vlerë rreth 1 milion euro
-
Ministri Matoshi thotë se po investojnë rreth 3 milionë euro në Skenderaj, Istog, Viti dhe Deçan
-
Nis faza e parë e rregullimit të shtratit të lumit Krivarekë në Kamenicë, vlera e projektit 900 mijë euro
-
120 mijë euro ndahet për shesh e park në Shtime