Drejtoria e Arsimit e Komunës së Prishtinës ka kërkuar nga mësimdhënësit që ora e parë e mësimit të mërkurën, 16 shtator, t’i kushtohet Ushtrisë Çlirimtare të Kosovës (UÇK), historisë së luftës për çlirimin e Kosovës dhe kontributit të çlirimtarëve në shtetndërtim, në ditën kur do të jepet verdikti i Gjykatës Speciale për ish-krerët e UÇK-së.
Në një shkresë drejtuar mësimdhënësve, Drejtoria e Arsimit ka kërkuar që gjatë kësaj ore, me nxënësit të trajtohet, në mënyrë të përshtatshme për moshën e tyre, rëndësia e luftës së UÇK-së dhe sakrifica e qytetarëve për lirinë e Kosovës.
Po ashtu, në shkresë përmenden edhe proceset gjyqësore në Hagë ndaj ish-krerëve të UÇK-së, përfshirë vendimin që pritet të merret.
“Me anë të kësaj kërkese shpresojmë në vendim të drejtë që liron heronjtë tanë”, thuhet në shkresë.
Sipas Drejtorisë së Arsimit, qëllimi i kësaj ore është që nxënësit të njihen me historinë e afërt të vendit dhe të reflektojnë mbi rëndësinë e lirisë, paqes dhe kujtesës historike.
-
Komuna e Prishtinës kërkon vendosjen e flamurit të UÇK-së në hyrje të shkollave
-
Zhvillimet një ditë pas dënimit të ish-krerëve të UÇK-së nga Specialja
-
SHBA-ja fton amerikanët në Kosovë për kujdes më 16 shtator
-
OVL-UÇK e zhvendos protestën në orën 9:00, “Jo në emrin tim”: Do të qëndrojmë tërë natën para Kuvendit
-
Universiteti i Prishtinës miraton deklaratë për luftën e drejtë të UÇK-së