“Një grua ecën para një grafiti me hartë të Kosovës e flamurin serb dhe mbishkrimin: ‘S’ka dorëzim’, në qytetin e Banjallukës në Bosnjë, 240 kilometra larg Sarajevës, të shtunën, 1 tetor 2022”, është përshkrimi që agjencia prestigjioze e lajmeve, Associated Press, ia ka bërë një fotografie nga Bosnja, që shpërfaq mbishkrimin e njëjtë me grafitet të cilat kohë më parë u shfaqën edhe në veri të Kosovës.
Në kohën e tensioneve në veri, gjatë verës sivjet, mbishkrime të njëjta u shfaqën në qytetet veriore të Kosovës. “S’ka dorëzim!”, “Mos u shqetësoni, ne jemi këtu – Brigada e Veriut” qenë disa nga grafitet që u vendosën në shëtitoren e Mitrovicës veriore, në muret e ndërtesave, si dhe në trotuarin e rrugës kryesore.
Fotografitë e AP-së janë shkrepur një ditë para zgjedhjeve në Bosnje. Aty lideri i serbëve të Bosnjës, Milorad Dodik, po garon për një tjetër mandat të presidentit të serbëve, njërën nga tri ulëset e presidencës treanëtarëshe.
Dodiku është ndër liderët e paktë politikë që muajve të fundit ka pasur takim me presidentin rus, Vladimir Putin, që kur Rusia nisi pushtimin e Ukrainës. Dodik, që e kërkon ndarjen e territorit të Republikës Sërpska nga Bosnja, është shprehur se është “një nga pak liderë që mund ta takojë kur të dojë Putinin”.
-
Dodiku u bën thirrje serbëve ta mbrojnë Republikën Sërpska
-
Dodiku “e zbut” kërcënimin, e shtyn propozimin për ndarjen për 30 ditë
-
Grafiti “Kur ushtria të kthehet në Kosovë” shfaqet në Bosnjë
-
Policia po i heton grafitet ku serbët ftohen për rezistencë nga 21 nëntori
-
Kreu i Kishës serbe nxit reagime me deklaratën për ndryshim kufijsh “në të ardhmen”