Më 24 gusht do të mbahet ushtrimi fushor “Mascal” në aeroportin e Gjakovës, i cili është i projektuar sipas skenarit “Rrëzimi i aeroplanit komercial në Kosovë”, ku parashikohen viktima dhe lëndime në masë të udhëtarëve dhe ekuipazhit, njofton kumtesa komunale, transmeton Koha.net.
Ushtrimi është i organizuar nga Agjensioni për Menaxhimin e Emergjencave/MPB me mandat koordinues qeveritar, pjesë e së cilës do të jetë edhe Komuna e Gjakovës dhe do të mbështetet nga KFOR-i në aspektin organizativ dhe implementues.
Mbajtja e këtij ushtrimi ka për qëllim testimin e kapaciteteve reaguese vendore dhe ndërkombëtare të incidenteve të këtij lloji në vend.
Drejtoria për Mbrojtje dhe Shpëtim njofton qytetarët, sidomos ata me banim në afërsi të aeroportit, se bëhet fjalë për një ushtrim me skenar të planifikuar e me qëllim të shmangies së çfarëdo shqetësimi eventual.
-
Ushtrime fushore te aeroporti i Gjakovës për menaxhimin e fatkeqësive
-
Në aeroportin e Gjakovës nesër mbahet ushtrimi fushor “Mascal”
-
Në aeroportin e Gjakovës u realizuan ushtrime fushore për menaxhim të fatkeqësive
-
Ushtrim i gjerë fushor me skenar “Rrëzimi i Aeroplanit Komercial” në Kosovë
-
FSK-ja të mërkurën fillon ushtrimin fushor “Iron Wolf”, paralajmëron lëvizje në drejtim të Gjakovës