Shefja e Grupit Parlamentar të Lëvizjes Vetëvendosje, Arbërie Nagavci, ka mirëpritur vendimin e Gjykatës Kushtetuese për vendosje të masës së përkohshme ndaj dekretit të presidentes Vjosa Osmani për shpërndarjen e legjislaturës së dhjetë të Kuvendit të Kosovës. Ajo ka thënë se pret një “trajtim profesional nga Gjykata dhe miratim të kërkesës”.
“Mirëpresim vendosjen e masës së përkohshme nga Gjykata Kushtetuese ndaj dekretit të Presidentes. Besojmë se kërkesa jonë është e drejtë dhe se argumentet tona janë të qarta e të bazuara në Kushtetutë. Presim një trajtim profesional nga Gjykata dhe miratimin e kërkesës sonë. Ashtu siç e kemi cekur edhe në Kërkesë, presim që Gjykata të nxjerrë Aktgjykim me të cilin vendos: -të anulojë Dekretin nr. 24/2026, të datës 06.03.2026, të Presidentes për shpërndarjen e Legjislaturës së Dhjetë (X) të Kuvendit të Republikës së Kosovës; -si dhe të urdhërojë deputetët e Kuvendit që të vazhdojnë përpjekjet për zgjedhjen e Presidentit/Presidentes së re, brenda afatit kushtetues prej 60 ditësh nga nxjerrja e këtij aktgjykimi. Vendimi i Gjykatës Kushtetuese është thelbësor për respektimin e rendit kushtetues, funksionimin demokratik të institucioneve dhe garantimin e stabilitetit institucional në vend”, ka shkruar Nagavci në Facebook.
Kushtetuesja ka vendosur masën e përkohshme deri më 31 mars, ndërsa do të shqyrtojë edhe kërkesën për vlerësim të kushtetutshmërisë së dekretit të presidentes Vjosa Osmani.
Kushtetuesja pezullon dekretin e Osmanit për shpërndarjen e Kuvendit
Gjykata Kushtetuese ka vendosur masë të përkohshme ndaj dekretit të presidentes së Kosovës, Vjosa Osmani, për...-
Kuvendi i pezulluar edhe një javë, Kushtetuesja: Jemi duke e shqyrtuar kërkesën
-
Periudha 3-javore e masës së përkohshme të Kushtetueses vlerësohet e gjatë
-
Çka u tha pas pezullimit të dekretit për shpërndarje të Kuvendit
-
Haxhiu e quan hap të rëndësishëm vendimin e Kushtetueses për masë të përkohshme
-
Vetëvendosje: Vendimi i Kushtetueses ndaloi një veprim të nxituar që cenoi rendin kushtetues