Kryetari i Këshillit Nacional të shqiptarëve të Luginës së Preshevës, Ragmi Mustafi marrëveshjen për dokumentet ndërmjet Kosovës dhe Serbisë e ka quajtur një hap të vogël drejt normalizimit të marrëdhënieve mes dy shteteve që duhet të përmbyllet me marrëveshjen përfundimtare, ndërkombëtarisht të obligueshme.
Në një postim në Facebook, Mustafi ka theksuar se normalizimi i marrëdhënieve Kosovës-Serbi vihet përmes reciprocitet që nuk e eviton pashmangshmërisht edhe trajtimin e pozitës së shqiptarëve në Luginë të Preshevës.
“Një hap i vogël drejt normalizimit. Pavarësisht që ky dialog ndërmjetësohet nga përfaqësuesit e BE, kjo krizë potencialisht për eskalim theksoi si faktor vendimtar përfshirjen e SHBA-të”, ka shkruar ai.
Ndryshe, shefi i diplomacisë evropiane Josep Borrell, ka njoftuar se është arritur një marrëveshje mes Kosovës e Serbisë për letërnjoftimet, ndërkohë që Qeveria e Kosovës nuk ka dhënë ende detaje, duke thënë se ato do të bëhen të ditura me kohë.
-
Sali Berisha për marrëveshjen: Hap i rëndësishëm për normalizimin e raporteve Kosovë-Serbi
-
Lutfiu: Vendimi i Qeverisë së Kosovës për ilegalët, humbje e shpresës për shqiptarët në Serbi
-
Kamberi: Vështirë të ketë hapa të mëdhenj në dialog pa presion ndërkombëtar ndaj Serbisë
-
Mustafi: Shqipëria ka ulur vëmendjen ndaj Luginës së Preshevës
-
Lugina e Preshevës kërkon standarde unike për pakicat në Ballkanin Perëndimor