“Ministria e Punëve të Jashtme e Republikës së Kosovës po punon përmes kanaleve diplomatike me të gjitha shtetet”. Kjo është përgjigja e MPJ-së, në pyetjen se a kanë informacione se është bërë tërheqja e njohjes së Kosovës nga Republika Nauru.
Zëdhënësi për media i MPJ-së Jetlir Zyberaj, tha për Koha.net se s’duan të merren me deklarata të tilla nga Beogradi, dhe se s’kanë informacione nëse është bërë një tërheqje e tillë e njohjes së Kosovës.
LEXO EDHE: Sipas Beogradit, edhe Republika Nauru ka tërhequr njohjen e Kosovës
“Kosova nuk bën komente për dokumentet dhe deklarata që shpallen nga Beogradi dhe që si në të kaluarën si në rastin e Republikës së Afrikës Qendrore ryshfetet janë përdorur për të lëshuar dokumente dhe për të bërë deklarata që janë hedhur poshtë nga qeveritë e veta më vonë. Ne nuk kemi marrë asnjë komunikim dhe dy vendet tona kanë marrëdhënie diplomatike të vendosura në përputhje me Konventën e Vjenës për Marrëdhëniet Diplomatike”, tha Zyberaj.
-
MPJD: S’ka asnjë njoftim për çnjohje
-
MPJ-ja përgënjeshtron lajmet për çnjohjet e Kosovës, i quan spekulime të Serbisë
-
Çnjohja nga Sierra Leone vë në pikëpyetje gatishmërinë e Kurtit për heqjen e taksës
-
Dokumenti i MPJ-së serbe për tërheqjen e njohjes së Kosovës nga Sierra Leone
-
Sipas Daçiqit, fushata për tërheqjen e njohjeve për Kosovën u bëka për ta detyruar të bëjë kompromis