Është mbyllur përkohësisht ura në segmentin e rrugës Drenas-Shtrubullovë-Krajkovë për shkak të dëmtimit nga vërshimet e fundit.
Komuna e Drenasit përmes një njoftimi ka thënë se po ndërmerr të gjitha veprimet e nevojshme për sanimin e dëmeve.
“Si pasojë e dëmeve të shkaktuara nga vërshimet e fundit, ura që ndodhet në rrugën Drenas–Shtrubullovë–Krajkovë, më saktësisht në afërsi të varrezave të Drenasit, ka pësuar dëmtime serioze dhe paraqet rrezik për qarkullim. Për arsye sigurie, qarkullimi mbi urë ndalohet përkohësisht deri në një njoftim të radhës”, thuhet në njoftim.
Njësitet e Policisë dhe të Zjarrfikësve janë të pranishme në vendin e ngjarjes dhe janë duke monitoruar situatën, njoftoi tutje Komuna.
Artikuj të ngjashëm
-
Ura që ndan Drenasin nga fshatrat e që kërcënon qytetarët
-
Shumë kërkesa për kompensim nga vërshimet, Drenasi nis sanimin e infrastrukturës
-
Gjendje e rënduar në Drenas: Bllokohen rrugët, ndalet rryma dhe evakuohen disa familje
-
Deri në 18:00 rruga Brezovicë-Prevallë do të jetë e bllokuar, shkak punimet
-
KRU “Gjakova” njofton për reduktime të ujit në disa zona