Edhe një deputet i Kuvendit të Kosovës ka përfunduar në paraburgim.
Pas 48 orë ndalimi të premten gjykata Themelore ka miratuar kërkesën e prokurorit Rexhep Maqedonci duke e dërguar 30 ditë në paraburgim deputetin e AAK-së Shkumbin Demailajn.
Por avokati Arianit Koci thotë se gjykata po përdor standarde të dyfishta kjo pasi që asnjëherë nuk kërkoi paraburgim kur deputetët u rrahën në një studio televizive ndërsa tani për një deklaratë emocionale të Demaliajt caktohet masa e paraburgimit.
E në vendimin e Gjykatës Themelore thuhet ekzistojnë rrethana të posaçme që tregojnë se nëse i pandehuri lihet në liri do të ndikojë në të dëmtuarit dëshmitarë të cilët ende nuk janë intervistuar nga prokuroria, kjo pasi që i pandehur është deputet i Kuvendit të Kosovës dhe do ta shfrytëzojë autoritetin e tij për të ndikua tek i dëmtuarit përkatësisht familja e tij e cila jeton në Kosovë përkatësisht Istog.
Më tutje në vendim thuhet se Demaliaj ende nuk është intervistuar nga prokuroria me çka do të pengojë rrjedhën e procedurës penale.
Edhe
Pritet aktakuzë për Demaliajn e Zekën, kërcënuan prokurorët
E një ditë më parë kjo gjykatë i caktoi masën e paraburgimit edhe deputetit të Nismës Milaim Zekës për të njëjtën vepër penale kanosje ndaj prokurorit special Afrim Shefkiut.
Gjykata: Paraburgimi i Demaliajt i domosdoshëm për të siguruar prezencën e tij në gjykatë
Pas vendimit masën e sigurisë ndaj deputetit të AAK-së, Shkumbin Demaliaj, përmes një komunikate për media, Gjykata ka dhënë arsyet se pse deputeti Demaliaj duhet të qëndrojë në paraburgim për një muaj.
Në arsyetimin aktvendimit për caktimin e masës së paraburgimit gjyqtari i çështjes Rrustem Begolli ka konstatuar se ekziston dyshimi i bazuar se Shkumbin Demaliaj e ka kryer veprën penale të kanosjes, pasi që sipas gjyqtarit, Demaliaj në dy raste publikisht përmes medieve e ka kanosur ish-Prokurorin Special Elez Blakaj.
“Ekziston dyshimi i bazuar se me dt.17.09.2018, i pandehuri SH.D në Prishtinë, në Televizionin RTK gjatë një emisioni televiziv ka kanosur publikisht ish – Prokurorin e Prokurorisë Speciale të Republikës së Kosovës Elez Blakaj, për shkak të detyrës zyrtare, po ashtu i pandehuri SH.D ka vazhduar me kanosje edhe me dt. 25.09.2018, në një emision në “Televizionin T7”, thuhet në komunikatën e lëshuar për media nga Gjykata Themelore e Prishtinës.
Edhe
Ndryshohet masa për Shkumbin Demaliajn, deputeti në arrest shtëpiak
Sipas gjyqtarit Begolli, paraburgimi është masa e domosdoshme për të siguruar prezencën e Demaliajt në gjykatë, duke shtuar se nëse deputeti gjendet në liri ekziston rreziku se ai do të mund të ndikojë te dëshmitari i cili njëherësh është edhe i dëmtuar apo te familja e tij.
“Gjykata ka konstatuar se kërkesa për caktimin e masës së paraburgimit kundër të pandehurit SH.D është masë adekuate dhe e domosdoshme në këtë fazë të procedurës, për sigurimin e pranisë së tij në procedurën penale dhe zhvillimin e pa penguar të procedurës dhe po ashtu i pandehuri po të gjendet në liri mund ta pengojë rrjedhën normale të procedurës penale duke ndikuar tek i dëmtuari – dëshmitari, i cili ende nuk është marrë në pyetje në Prokurori dhe ekziston rreziku se i pandehuri do të ndikoj edhe te familja e tij”, thuhet në komunikatë.
30 ditë paraburgim për deputetin Demaliaj
Deputetit të AAK-së, Shkumbin Demaliaj i është shqiptuar masa e paraburgimit prej 30 ditësh.
Demaliaj është arrestuar të enjten pas deklaratave kërcënuese ndaj prokurorit special Elez Blakaj.
Edhe
Prokurori kërkon 30 ditë paraburgim për deputetin Demaliaj
Avokati i tij, Arianit Koci ka thënë për KTV-në se vendimi është i pabazuar pasi është marrë pa pasur prova.
Prokurori Rexhep Maqedonci sot gjatë ditës ka kërkuar 30 ditë paraburgim për deputetin e AAK-së. Maqedonci është i njëjti i cili ka kërkuar arrestimin dhe caktimin e masës së paraburgimit edhe për deputetin e Nismës Milaim Zekën i dyshuar gjithashtu për kanosje të një prokurori.
