Mblidhet PDK-ja

Anëtarët e Partisë Demokratike të Kosovës janë duke u mbledhur në selinë e tyre në Sheshin Nëna Terezë në Prishtinë, transmeton KOHA.

Deri më tani janë parë të hyjnë në seli Abelard Tahiri, Adem Grabovci e Ramë Buja.

Zyra e Prokurorit të Specializuar ka njoftuar sot se presidenti i Kosovës, Hashim Thaçi dhe kryetari i PDK-së, Kadri Veseli janë dy të akuzuarit e parë që do të paraqiten në Gjykatën Speciale në Hagë.

Në njoftimin për media, theksohet se më 24 prill 2020, Zyra e Prokurorit të Specializuar (ZPS) u paraqiti Dhomave të Specializuara të Kosovës (DHSK) një aktakuzë me dhjetë pika për shqyrtim prej Gjykatës, ku Hashim Thaçi, Kadri Veseli dhe të tjerë akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura.

{gallery}