Kryetari i Partisë Demokratike të Kosovës, Memli Krasniqi, ka njoftuar se i ka vizituar ish-krerët e Ushtrisë Çlirimtare të Kosovës, dhe ish-krerët e partisë së tij, në Hagë, ku po mbahen që nga viti 2020, si të akuzuar për krime lufte nga Gjykata Speciale.
“Sot, në Hagë, vizitë çlirimtarëve tanë, Hashim Thaçit dhe Kadri Veselit, për të shprehur edhe një herë respektin dhe mirënjohjen për kontributin e tyre historik. Liria jonë - ishte lufta e tyre. E ardhmja jonë - ishte misioni i tyre. Kosova - ishte dhembja dhe dashuria e tyre. Dje, sot e përgjithmonë - ata janë krenaria jonë. Dielli do të lindë përsëri!” ka shkruar Krasniqi në njoftimin e tij në Facebook.
Bashkë me Hashim Thaçin e Kadri Veselin, për të njëjtën akuzë, në Hagë po mbahen edhe Jakup Krasniqi e Rexhep Selimi.
Vizita e Krasniqit në Hagë vjen në ditën kur në Prishtinë do të protestohet nga veteranët e luftës kundër ligjit për pagën minimale.
-
Krasniqi kërkon drejtësi për krerët e UÇK-së: Askush s’mund ta rishkruajë historinë
-
Gjykata Speciale ndan pamje nga burgu ku mbahen ish-drejtuesit e UÇK-së
-
Thaçi, Veseli, Selimi dhe Krasniqi mohuan akuzat, thanë se luftuan për mbijetesë dhe liri
-
Konjufca nga Haga: Askush s’mund të shkelë mbi ushtrinë tonë të lavdishme çlirimtare
-
Sot në Prishtinë marshohet në mbështetje të ish-krerëve të UÇK-së në Hagë