Pakënaqësi të shumta ka ngjallur te maturantët e Ferizajt, vendimi që të anulohen ekskursionet për në Shqipëri.
Anulimi i shëtitjeve në shtetin shqiptar, të cilat ishin planifikuar të ndodhnin në muajin maj, është cilësuar i padrejtë nga nxënësit e kësaj komune, raporton KTV.
Ata janë të zhgënjyer, sepse udhëtimin që e kanë pritur me vjet nuk do ta realizojnë.
Por, zyrtarët komunalë thonë se kanë marrë shumë kërkesa nga prindërit që ekskursionet të anulohen, pasi nuk janë të kënaqur me organizimin e tyre.
Drejtori i Arsimit në Komunën e Ferizajt, ka thënë se vendimi nuk do të tërhiqet dhe i njëjti është marrë edhe nga Këshilli i prindërve.
Komuna kishte anuluar shëtitjet në Shqipëri edhe shtatorin e vitit të kaluar, për çka maturantët e Ferizajt kishin protestuar disa herë.
-
Ferizaj anulon ekskursionet e maturantëve për në Shqipëri
-
Maturantët e Ferizajt s’e ndalin protestën për ekskursionin në Shqipëri
-
Kërkohet riorganizim ose anulim i të gjitha ekskursioneve për maturantët
-
Komuna e Shtimes anulon ekskursionin për maturantë në Shqipëri
-
Maturantët në Ferizaj bojkotojnë mësimin kundër shtyrjes së vendimit për ekskursionin