Posta e Kosovës ka bërë të ditur se ka lëshuar sot në qarkullim dy pulla postare të titulluara ”Qytetet e Kosovës - Lipjani”.
Përmes pamjeve të këtyre pullave postare prezantohet qyteti i Lipjanit, i cili shtrihet në pjesën qendrore të Republikës së Kosovës. Në afërsi prej 10 km në verilindje ka qytetin antik të Ulpianës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLipjani në periudhën romake ishte kryesisht një vendbanim i vogël që njihej me emrin Ulpiana, më vonë është vërtetuar edhe me zbulimet e gërmadhave të vendbanimeve të antikës së vjetër dhe të periudhës bizantine në Lipjanin e sotëm.
Monumenti më i rëndësishëm natyror në komunë është Shpella e Mermertë e Gadimes, e cila tashmë është pikë joshëse e turizmit. Përmes territorit të komunës rrjedh lumi Sitnica, përgjatë të cilit shtrihen sipërfaqet më të pëlleshme bujqësore, të përshtatshme për prodhimtari bujqësore intensive.
Zona malore e komunës shquhet me potencial të madh të turizmit të bazuar në natyrë, si: rezervati “Blinaja”, bukuritë e peizazheve Shalë-Kleçkë dhe vargmalet e Zhegovcit.
Posta e Kosovës edhe në të ardhmen do të vazhdojë promovimin e vlerave dhe bukurive që ka shteti i Kosovës, përmes imazheve të pullave postare.