Kryeministri në detyrë, Albin Kurti, ka folur mbi artikullin e shumëpërfolur ku bashkautor ka qenë kryeparlamentari Dimal Basha e në të cilin ka deklarata kundër UÇK-së. Ai e ka quajtur “deformim” e “keqinterpretim” leximin e artikullit në publik, teksa ka theksuar se Basha s’ka qenë autor i atij kapitulli kundër UÇK-së.
Ai ka hedhur kritika ndaj qeverive të kaluara duke thënë se janë vendimet e atyre qeverive që i kanë shkaktuar probleme Kosovës, dhe se të tilla s’po i shkakton artikulli me bashkautor Bashën.
“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemir politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre në të cili ky s’ka fare autorësi”, ka thënë ai.
Kurti është përgjigjur edhe për dorëheqjen e Liburn Aliut si ministër i Infrastrukturës.
“Ne duhet të vazhdojmë përpara pa humbur kohë e kam emëruar në këtë detyrë zvministrin Durmishi. E falënderoj për kontribut”, ka thënë Kurti.