Kryeministri i vendit, Albin Kurti tha se 28 Nëntori është datë themeltare e historisë së shqiptarëve kudo që janë.
Ai foli pasi bëri homazhe në Kompleksin Memorial “Adem Jashari” në Prekaz.
“28 Nëntori ka nisur me Skënderbeun në Krujë, ka vazhduar me Ismail Qemalin në Vlorë, por së fundmi në luftën çlirimtare edhe me Adem Jasharin dhe Jasharët këtu në Prekaz, në këtë kryeqytet të kryengritjes shqiptare. 28 Nëntori është datë themeltare e historisë, e vetëdijes kolektive, e identitetit kombëtar të shqiptarëve ngado që janë”, tha Kurti.
Kurti përmendi edhe daljen e parë publike të Ushtrisë Çlirimtare të Kosovës më 28 nëntor të vitit 1997.
“Me këtë rast dua t’i uroj gjithë shqiptarët kudo që janë për festën e Pavarësisë së Shqipërisë, të flamurit kombëtar shqiptar duke përmendur përveç Prekazit, Vlorës edhe Krujës, gjithashtu edhe Llaushën, atëherë kur në vitin 1997 Rexhep Selimi, Mujë Kransiqi dhe Daut Haradinaj e shpallën botërisht Ushtrinë Çlirimtare të Kosovës e cila ishte bartëse e kryengritjes sonë dhe faktori kryesor që e bëri çlirimin e Kosovës në qershorin e vitit 1999 me ç’rast ne sivjet edhe festuam çerek shekulli nga çlirimi i atdheut tonë”, tha ai.
Para Prekazit, Kurti qëndroi në Vlorë për shënimin e përvjetorit të Pavarësisë së Shqipërisë./KSP
Osmani: Do të bëjmë çmos që shqiptarët kudo që jetojnë t’i kenë të drejtat e garantuara
Presidentja e Kosovës, Vjosa Osmani, ka bërë homazhe në kompleksin memorial “Adem Jashari” në Prekaz, për...-
Kurti uron 28 Nëntorin me projektin e kompleksit “Adem Jashari”
-
Kurti: Prekazi me Epopenë e UÇK-së është shndërruar në kryeqytet të kryengritjes shqiptare
-
Haxhiu e Kurti bëjnë homazhe në Prekaz, vlerësojnë lart sakrificën e Jasharëve
-
Prekazi ua rikujtoi liderëve çmimin e lartë që u pagua për shtetin
-
Kurti: Familja Jashari u bë simbol i lirisë dhe unitetit kombëtar