Është zhvilluar në Prishtinë Sesioni i parë i Komisionit të Përbashkët Ekonomik Kosovë - Slloveni.
Në Komisionin e bashkëudhëhequr nga përfaqësuesi i palës kosovare, Guner Ureya dhe përfaqësuesja e palës sllovene, Ambasadorja Alenka Suhadolnik, janë trajtuar temat si: bashkëpunimi në fushën e tregtisë, industrisë, turizmit, kulturës, rinisë, sportit, arsimit, shkencës, teknologjisë, mjedisit, trajtimi i ujërave, ICT, digjitalizimi, shkencat, si dhe menaxhimi i financave publike.
Protokolli i sesionit të parë do të nënshkruhet të martën gjatë Forumit Ekonomik Kosovë Slloveni, në praninë e Zëvendëskryeministrit të Parë dhe Ministrit të Punëve të Jashtme, Behgjet Pacolli dhe homologut të tij slloven, Zëvendëskryeministrit dhe Ministrit të Punëve të Jashtme, Karl Erjavec.
Protokolli i Komisionit të përbashkët ekonomik do të kontribuojë në orientimin e institucioneve të Kosovës në raport me institucionet e Sllovenisë dhe njëkohësisht do të ndikojë në rritjen e bashkëpunimit të gjithanshëm të të dyja shteteve.
-
Kosova dhe Sllovakia duan të rrisin nivelin e përfaqësimit diplomatik dhe bashkëpunimit ekonomik
-
Kurti e Golob zhvillojnë takimin e parë dypalësh, potenciali ekonomik ndër temat e diskutimit
-
Konjufca: Presim nga Sllovenia ta përkrahë Kosovën në liberalizimin e vizave
-
Sllovenia zotohet se do ta mbështesë Kosovën në integrimin e saj euroatlantik
-
Çekia do ta mbështes Kosovën në INTERPOL, thotë Pacolli