Këshilltari në Departamentin Amerikan të Shtetit, Derek Chollet, ka njoftuar se në bisedën e së enjtes me kryeministrin e Kosovës, Albin Kurti, kanë folur lidhur me situatën e krijuar sa i përket vendimit për targat.
Ndryshe nga kryeministri Kurti që nuk e ka përmendur se kjo çështje u diskutua në bisedën me Chollet, këshilltari special në DASH, tha se ka kërkuar nga Kurti shtyrjen e zbatimit të vendimit për targat ilegale.
“Bisedova sot me kryeministrin e Kosovës, Albin Kurti, lidhur me rëndësinë e shmangies së tensioneve dhe shtyrjen e zbatimit të rregullave të reja të targave pa konfiskime apo gjoba”, ka shkruar Chollet në Twitter.
Ai shtoi se u diskutua edhe për partneritetin e të dyja vendeve dhe synimet e përbashkëta për avancimin e integrimeve evropiane dhe euroatlantike të Kosovës.
Më 31 tetor përfundon afati i caktuar nga Qeveria e Kosovës për regjistrim të veturave që kanë targa ilegale të lëshuara nga Serbia në emër të qyteteve të Kosovës.
Edhe
Këshilltari amerikan bisedon me Kurtin se si të shmanget “përshkallëzimi i mëtejmë”
Spoke w/ Kosovo PM @albinkurti today to discuss the importance of avoiding tension & postponing the implementation of new license plate rules, without confiscations or fines. Also discussed our partnership & shared goals of advancing Kosovo's European & Euro-Atlantic integration.
— Derek Chollet (@CounselorDOS) October 27, 2022
Kurti njoftoi se në bisedën e tij me Cholletin, u fol për raportin e “World Justice Project” për vitin 2022, ku Kosova u rendit e para nga vendet e Ballkanit Perëndimor dhe e dyta në nivel global për përmirësim në fushën e sundimit të ligjit.
Today I spoke w/ & thanked @CounselorDOS for ??'s continued support for ??'s Euro-Atlantic integration. As shown in @TheWJP 2022 report, ranking ?? as 1st in WB6 & 2nd most improved globally, we again prove that rule of law goes hand in hand w/ peace, security & democracy.
— Albin Kurti (@albinkurti) October 27, 2022
