Përfaqësuesja e re e Bashkimit Evropian për Politikë të Jashtme dhe Siguri, Kaja Kallas, i ka kërkuar presidentit të Serbisë, Aleksandar Vuçiq, që të zgjidhet rasti “Banjska” dhe po ashtu Serbia t’i vendosë sanksione Rusisë për luftën në Ukrainë.
Kallas është duke i pritur në Bruksel liderët e Ballkanit Perëndimor.
Vuçiq në një postim në “Instagram” ka thënë se pati një bisedë të hapur dhe të vështirë me Kallasin.
“Biseduam për rrugën evropiane të Serbisë, ndërsa përfaqësuesja e lartë e BE-së për Politikë të Jashtme dhe Siguri foli për domosdoshmërinë e dialogut me Prishtinën, zgjidhjen e rastit ‘Banjska’ dhe vendosjen e sanksioneve ndaj Federatës Ruse. Unë u përgjigja në përputhje me politikën dhe interesat e Serbisë”, ka shkruar Vuçiq.
Në sulmin terrorist në Banjskë të Zveçanit më 24 shtator të vitit të kaluar u vra rreshteri policor Afrim Bunjaku. Serbia ende nuk i ka sjellë para drejtësisë fajtorët për sulmin. Ish-nënkryetari i Listës Serbe, Milan Radoiçiq, kishte pranuar se qëndronte prapa grupit që kreu sulmin.
Ndërkohë sa i përket sanksioneve ndaj Rusisë, Serbia ka refuzuar të vendosë sanksione përkundër thirrjeve të vazhdueshme nga BE-ja.
Kallasi sot pret në takime të ndara Kurtin e Vuçiqin
Shefja e re të diplomacisë së Bashkimit Evropian, Kaja Kallas, sot do të zhvillojë takime të...-
BE-ja e shqetësuar që sulmuesit e Banjskës, në vend të dënimit, marrin pjesë në protesta në Serbi
-
BE-ja e shqetësuar se kryerësit e sulmit të Banjskës në vend të dënimit marrin pjesë në protesta në Serbi
-
BE-ja përsëri i kërkon Serbisë t’i sjellë para drejtësisë përgjegjësit për sulmin në Banjskë
-
BE-ja përsërit keqardhjen për mosveprimin e Serbisë ndaj përgjegjësve për Banjskën
-
BE-ja shpreh keqardhje që Serbia s’i ka marrë veprimet e nevojshme në sulmin në Banjskë