Ish-nënkryetarja e Lidhjes Demokratike të Kosovës (LDK), Shqipe Mjekiqi, i është bashkuar ekipit të kryeministrit në detyrë Albin Kurti, ku do të kontribuojë në fushën e politikës së jashtme dhe marrëdhënieve ndërkombëtare.
Lajmin e ka bërë të ditur vetë Kurti, i cili ka thënë se Mjekiqi do të angazhohet në çështje që lidhen me rrugën e Kosovës drejt integrimit në Bashkimin Evropian dhe NATO, si dhe në zhvillimet politike dhe të sigurisë në vend dhe rajon.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas njoftimit, në takimin e tyre është diskutuar për prioritetet e Kosovës në proceset integruese, arritjet socio-ekonomike dhe forcimin e vlerave demokratike.
“Shqipe Mjekiqi ka përfunduar doktoraturën në Shkenca Politike në Trinity College Dublin, ndërsa ka përfunduar masterin në politikat e Bashkimit Evropian në London School of Economics dhe studimet bazë në Universitetin e Prishtinës. Ajo ka përvojë të gjatë në institucionet publike të Kosovës në fushën e integrimit evropian dhe sigurisë, ndërsa aktualisht është profesoreshë asistente në UBT dhe konsulente në projekte zhvillimore dhe reforma institucionale”, ka shkruar Kurti në Facebook.
Mjekiqi qe emëruar nënkryetare e LDK-së në vitin 2021, pak kohë pasi Lumir Abdixhiku kishte ardhur në krye të kësaj partie.