Inspektorati i Komunës së Prishtinës ka nisur një aksion për lirimin e hapësirave publike në një zonë të kryeqytetit.
Ky aksion të martën është zhvilluar në lagjen “Lakërishtë”.
Siç është bërë e ditur në njoftimin e lëshuar në Facebook, aty janë hequr tarracat pa leje të disa lokaleve pranë kompleksit banesor.
“Inspektorati i Kryeqytetit sot ka filluar lirimin e hapësirave publike (largimin e tarracave) në zonën përreth kompleksit banesor në lagjen Lakërishtë”, thuhet në njoftim.
