Deputetja e Partisë Demokratike të Kosovës, Eliza Hoxha, ka thënë se kryeministri në detyrë, Albin Kurti, si njeri “i cili jeton vetëm për dhe me drama do analizë e diagnozë të vërtetë”.
Në një shkrim në Facebook, Hoxha ka kritikuar Kurtin për qasjen e tij karshi bizneseve që kanë refuzuar daljen në treg të hapur të energjisë elektrike.
“Kurti si majtist tani flet për liberalizim tregu në energji e ne të tjerë duhet të bijmë sërish në grackën e tij e të flasim se sa keq po bënë. T'a bëjmë të qartë se askush nuk është kundër liberalizimit t tregut. Por ama nuk mund të quhet e as të bëhet liberalizimi kështu si e proklamon deputeti aka Kryeministri ilegal në detyrë z.Kurti bashkë me ZRRE-në. Nuk ka liberalizim me vetëm një kompani si e para. E dyta le të supozojmë se do kishte më shumë kompani, e kam thënë edhe më heret dhe po e ripërsërisë që duhet një afat tranzitor për të lënë hapësirë e mundësi për bizneset që të përgatiten për të operuar në rrethana të reja. Ky vendim arbitrar e dëmton sektorin që është taksapaguesi më i madh i buxhetit të shtetit dhe e deformon edhe idenë e tregut të lirë në fakt”, ka shkruar ajo në Facebook.
Gjatë ditës, bizneset bllokuan hyrjet e Prishtinës në shenjë proteste kundër vendimit për dalje në treg të hapur, pasi sipas tyre, ofertat aty janë shumëfish më të larta se në treg të mbyllur. E Kurti gjatë ditës kritikoi bizneset duke thënë se s’do të lejojnë më barrikada.
“Reforma, liberalizimi i tregut dhe zhvillimi nuk do të arrihen asnjëherë me mendje që në emër të tyre instrumentalizijnë dhe dëmtojnë qytetarët. Kjo është mendësi e krijimit të varësive të reja në emër të ekonomisë së lirë dhe rëndesë e jashtëzakonshme”, ka vazhduar deputetja Hoxha.
