Heldti kërkon unitet mes partive politike në luftën kundër pandemisë

Ambasadori gjerman në Kosovës, Christian Heldt, ka kërkuar unitet nga partitët politike në Kosovë në luftën kundër pandemisë.

Ai këtë thirrje e ka bërë të premten gjatë dorëzimit të një donacioni prej 6 mijë teste PCR për COVID-19, që Ministria e Shëndetësisë e Gjermanisë i ka dhuruar Kosovës.

Heldt po ashtu ka bërë thirrje që të mbahet distanca fizike e po ashtu të mbahen maskat.

Ministri i Shëndetësisë i Kosovës, Armend Zemaj, ka thënë se ky donacion do të ndihmojë në ngritjen e kapaciteteve për IKSHPK-në. Ai ka thënë se numri i rasteve në Kosovë me COVID-19 është në rritje, ndërsa ka shtuar se ka kërkuar që çdo katër orë të marrin raport për gjendjen e pacientëve.