Kryetari i Partisë Demokratike të Kosovës (PDK), Bedri Hamza, ka deklaruar se partia që ai përfaqëson nuk do të japë votë për president pa një marrëveshje paraprake politike.
Hamza për Kosovapress tha se qëndrimi i PDK-së ka qenë konsistent.
“Qëndrimi është i njëjti, Partia Demokratike e Kosovës ka konsistencë, s’kemi pas vija të kuqe, kemi pas vullnet të plotë me votuar një kandidat, po nëse do të kishte qenë dikush prej familjes Jashari, flas me respekt, me respekt deri në përulje e vlerësojmë vendimin e familjes. Kemi thanë që duhet të ketë marrëveshje politike, që paraprakisht t’i paraprijë marrëveshja politike që të kemi president të zgjedhur, të propozuarin nga radhët e Partisë Demokratike të Kosovës”, tha kryetari i PDK-së.
Ai u shpreh se nuk është takuar me kryeministrin Albin Kurti në Kuvend lidhur me këtë çështje.
Hamza thotë se nuk ka një qëndrim për Andin Hoti i përmendur në media si kandidat i mundshëm i Vetëvendosjes për president.
“S’kemi qëndrim se s’ka kandidaturë zyrtare, mirëpo pa marrëveshje paraprake nuk ka votë prej Partisë Demokratike”, tha Hamza.
Orët e fundit të afatit për zgjedhjen e presidentit, Haxhiu: Duhen dy kandidatë për të thirrur seancë
Kryetarja e Kuvendit të Kosovës, Albulena Haxhiu, ka thënë se nuk mund të thërrasë seancë për...-
PDK: Hamza ka treguar publikisht se kurdo që hapet procesi i zgjedhjeve të brendshme do të japë dorëheqje e s’do të kandidojë
-
Hamza refuzon Kurtin: Jo president pa marrëveshje
-
Hamza: Qëndrimi ynë nuk ndryshon, Sejdiu s’është marrëveshje me PDK-në
-
Hamza: PDK-ja e gatshme për presidentin, menjëherë pas ndryshimit të Ligjit për Specialen
-
Hamza: Takimi me Kurtin përfundoi pa marrëveshje, prioritet ligji për Specialen pastaj presidenti