Gjimnazi “Xhevdet Doda” nesër nuk mban mësim për shkak të rrënimeve afër tij

Gjimnazi “Xhevdet Doda” nuk do të mbajë të hënën mësim. Kështu është bërë e ditur në faqen zyrtare në Facebook të këtij institucioni arsimor.

Përmes njoftimit thuhet se Ministria e Planifikimit dhe Mjedisit do të bëjë disa vlerësime mjedisore në atë rrethinë.

E krejt kjo ka ardhur pas rrënimit të një ndertese në lagjen “Lakrishtë” e cila dyshohet të ketë pasur material të azbestit i cili konsiderohet të jetë kancerogjen.

E përmes një konference për media, Lëvizja Vetëvendosje sot ka kërkuar që të mos mbahet mësimi në këtë shkollë, për shkak të rrezikut që mund të shkaktohet.