Familjarët dyshojnë se 13-vjeçari humbi jetën duke luajtur me litar në Ferizaj

Familja Ajvazi nga fshati Sojevë i Komunës së Ferizajt, gjatë së mërkurës, ka hapur dyert për ngushëllime, pasi që djali i tyre 13-vjeçar (A.A.) dyshohet se është vetëvarur me një litar nën pullazin e shtëpisë së vet, në orët e mbrëmjes të së martës.

Të mërkurën është shpallur ditë zie edhe në shkollën fillore “Ramadan Rexhepi” në fshatin Sojevë, aty ku ishte nxënës i ndjeri. Vdekja e papritur e 13-vjeçarit, përveç familjarëve, ka tronditur mësimdhënësit e shkollës dhe banorët e fshatit Sojevë, shkruan sot Koha Ditore.

Familjarët dhe mësimdhënësit kanë thënë se i ndjeri nuk kishte asnjë shenjë të depresionit dhe as ndonjë problem tjetër, madje ishte nxënës shumë i mirë dhe i sjellshëm.

(Më gjerësisht lexoni në Koha Ditore)