Një i mitur është gjetur pa shenja jete pasditen e së mërkurës në një fshat të Gjakovës.
Policia ka thënë për KOHËN se i mituri dyshohet të ketë kryer vetëvrasje.
“Në ora 18:35 nga njësia e Emergjencës është konstatuar vdekja e personit. Dyshohet të jetë i moshës 15-vjeçare”, kanë thënë nga policia.
Në vendin e ngjarjes kanë dalë të gjitha njësitë relevante, dhe rasti në koordinim me prokurorin është iniciuar si “hetim i vdekjes”.
