Drejtori i Administratës emërohet nënkryetar i Pejës

Fatmir Asllani (LDK) është emëruar nënkryetar i Komunës së Pejës.

Kjo është konfirmuar të hënën nga shefi i kabinetit të kryetarit të komunës së Pejës, Gazmend Muhaxheri, Durim Sheremeti.

Asllani në gjashtë vjetët e fundit ka qenë drejtor i Administratës Komunale.

Ai është emëruar me vendim të kryetarit Muhaxheri.

Në ditët në vijim, pritet të emërohet drejtori i ri i Administratës Komunale.

Nënkryetari i deritashëm i kësaj komune, Shkumbin Gashi, i cili në këtë post shërbeu në gjashtë vjetët e fundit, dha dorëheqjen për t’u bërë deputet në Kuvendin e Kosovës.

Gashi ishte në listën e pritjes të LDK-së dhe fitoi rastin, meqë deputetët nga LDK-ja dorëzuan mandatet pasi u emëruan ministra në Qeverinë Kurti.