Lagjja “Kodra e Trimave”, lagjja e “Muhaxhirëve”, “Dodona”, “Taslixhja”, “Aktashi”, “Bregu i Diellit” dhe zonat e Matit do të përballen me çrregullime në sistemin e furnizimit me ujë gjatë të premtes.
KRU “Prishtina” ka njoftuar se për shkak të reshjeve të dendura atmosferike në afërsi dhe rreth liqenit të Ujmanit, ka ngritje të turbullirës së ujit në kanalin e Ibër Lepencit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdërkohë, ka thënë se impianti i trajtimit të ujit në Shkabaj dhe Drenas, nuk kanë mundësi teknike të trajtojnë ujin për pije.
“Për shkak të gjendjes alarmante me vërshime dhe turbullirë të ujit në kanalin e Ibër Lepencit, përveç Fushë Kosovës, Drenasit, Zonës Industriale dhe lagjes Kalabria në Prishtinë, çrregullime në sistemin e furnizimit me ujë sot do të kenë edhe: lagjja Kodra e Trimave dhe të gjitha zonat që furnizohen me ujë nga rezervuari i Mirëditës si: lagjja e Muhaxhirëve, lagjja Dodona, Taslixhe, Aktash, Bregu i Diellit dhe të gjitha zonat e Matit”.
Paralajmërohet se kjo situatë vazhdon deri në përmirësimin e situatës me turbullirë në kanal.