Deputetja e Partisë Demokratike të Kosovës (PDK), Vlora Çitaku, ka thënë se nuk do të lejojnë që Lëvizja Vetëvendosje të deligjitimojë institucionet.
Çitaku e ka bërë reagimin pas akuzave të LVV-së ndaj Gjykatës Kushtetuese, për të cilën thanë se po mban anë.
Kjo qasje, sipas deputetes së PDK-së, është rrezik për demokracinë.
“Tendencat e LVV-së për të përmbysur rendin kushtetues nuk po ndalen. Reagimi i tyre i sotëm e dëshmon qartë këtë. Filluan me sulme denigruese e personale ndaj gjyqtarëve një nga një, e vazhduan me komunikatë zyrtare. Kjo qasje është rrezik për demokracinë dhe për gjithçka që është ndërtuar në këtë vend me shumë sakrificë e mund. Qëllimi i tyre tashmë është i qartë: delegjitimimi i çdo institucioni dhe i vetë demokracisë. Por kjo mendësi nuk do të kalojë. Nuk do ta lejojmë”, ka thënë ajo.
Vendimi i Kushtetueses, i bërë publik të premten, përcakton që deputetët duhet të zgjedhin kryetarin e ri të Kuvendit përmes votimit të hapur dhe brenda afatit prej 30 ditësh. Po ashtu, është sqaruar se i njëjti kandidat mund të votohet maksimumi tre herë dhe se të gjithë deputetët kanë detyrim të marrin pjesë në procesin e votimit.
Vendimi i Kushtetueses mirëpritet nga ish-opozita, pushteti hedh akuza ndaj Gjykatës
-
Çitaku: Qëllimi i VV-së është ta thellojë krizën
-
Çitaku: Ambicia e shfrenuar e LVV-së për kontroll total të institucioneve po e çon vendin në zgjedhje
-
Çitaku pas reagimit të VV-së: Sërish hodhën gurë mbi Kushtetuesen
-
Çitaku: Tërheqim lëndët nga Kushtetuesja nëse VV-ja zotohet t’i votojë ndryshimet në Ligjin për Specialen
-
Çitaku: Kushtetuta nuk është meny prej së cilës zgjedh çka të pëlqen