Të reshurat e mëdha të shiut kanë shkaktuar dëme të mëdha edhe te bizneset në Kosovë.
Bizneset në Klinë, përkatësisht te Guri i Zi, janë përmbytur si pasojë e vërshimeve.
KOHA ka siguruar pamje nga vendi i ngjarjes, ku shihen disa prej bizneseve të kësaj zone të bllokuara nga uji.
Situatë e rënduar si pasojë e të reshurave të shiut është paraqitur në disa zona të Kosovës. Ndërsa më e prekura është ajo e Dukagjinit.
Dëme të shumta përveç Klinës, janë shkaktuar në Istog, Pejë, Deçan e disa fshatra të Gjakovës.