Peter Stano, zëdhënës i Bashkimit Evropian për Politikë të Jashtme dhe Siguri, ka refuzuar të japë hollësi për “tërheqjen” e letrës së ish-kryeministres së Serbisë, Ana Bërnabiq, për moszbatim të Marrëveshjes për normalizim raportesh me Kosovën.
Ditë më parë, emisari i BE-së për dialogun Kosovë-Serbi, Miroslav Lajçak, u shpreh se “letra është tërhequr”, duke mos dhënë detaje të tjera.
I pyetur të martën në konferencën për media për të dhënë detaje dhe për ta konfirmuar tërheqjen e letrës, Stano ka thënë se nuk mund të shtojë asgjë pos asaj që ka thënë Lajçaku.
“Pse, kur, si dhe nëse Serbia ka bërë apo jo diçka, nuk na takon neve, por u takon autoriteteve të Serbisë t’i adresojnë këto pyetje”, ka thënë ai.
Stano megjithatë ka shtuar se Kosova dhe Serbia e kanë obligim ta zbatojnë Marrëveshjen e Ohrit “pa vonesa”.
-
Për BE-në, s’ka nevojë asnjë hap tjetër që Marrëveshja e Ohrit të zbatohet
-
Palokaj për letrën e Bërnabiqit: Më shumë duhet t’i besojmë Beogradit sesa Lajçakut
-
Bislimi: Letra e Bërnabiqit nuk është tërhequr
-
Bërnabiq: Nuk e di pse Lajçaku ka folur diçka të tillë. Pyetja është “a është tërhequr letra?”
-
Njohësit: Serbia ta konfirmojë tërheqjen e letrës së Bërnabiqit, jo Lajçaku