Shqetësimi për përshkallëzimin e situatës mes Kosovës dhe Serbisë është ndier të enjten në Bruksel, ku shumë diplomatë kanë qenë të interesuar të kuptojnë më shumë se çfarë po ndodh, se a mund të parandalohet përshkallëzimi i mëtejmë i situatës.
Pothuajse njëzëshëm diplomatët me të cilët ka kontaktuar “Koha Ditore” janë shprehur se ky veprim i Kosovës është i lidhur me zhgënjimin për dështimin në përpjekjet për anëtarësim në INTERPOL e ndoshta edhe për kuptimin e autoriteteve të Kosovës se nuk ka asgjë nga realizimi i pritjeve për liberalizim vizash. Por ata mendojnë se “mënyra se si ka vepruar Kosova duke vënë taksën prej 100 % për mallrat nga Serbia nuk është veprim i duhur”.
Shumë diplomatë, megjithatë, kanë disa rezerva për mënyrën sesi përfaqësuesja e lartë e BE-së për Politikë të Jashtme dhe Siguri, Federika Mogherini, si dhe komisari Johanes Hahn janë shprehur duke e quajtur veprimin e Kosovës si “shkelje të qartë të CEFTA-s”, shkruan Koha Ditore.
Se veprimet e Kosovës janë shkelje të CEFTA-s, ka thënë presidenti i Serbisë, Aleksandar Vuçiq, dhe presidenti momental i radhës i Bosnjë-Hercegovinës, Milorad Dodik. Por deri më tash nuk ka pasur ndonjë prononcim të organeve të CEFTA-s rreth kësaj çështjeje./ Augustin Palokaj
(Më gjerësisht lexoni në Koha Ditore)
-
Taksa ndaj Serbisë dhe Bosnjës “përjetësisht”
-
Serbia kushtëzon vazhdimin e dialogut me tërheqjen e taksës për mallrat serbe në Kosovë
-
Daçiq: Taksa doganore e Kosovës, mesazh për BE-në
-
Sipas “Novostit”, Serbia heq dorë nga arbitrazhi për taksën e Kosovës, shkak njohja
-
Shala: Serbia nuk ka bazë për ta dërguar Kosovën në arbitrazh