Ambasada e Kosovës në Riad ka këshilluar shtetasit e Kosovës me qëndrim në Izrael, Emirate të Bashkuara Arabe, Arabinë Saudite, Kuvajt, Bahrein dhe Oman që të tregojnë kujdes maksimal për shkak të rritjes së tensioneve në rajon.
Sipas njoftimit, ekziston rrezik i shtuar për përshkallëzim të situatës, gjë që mund të sjellë ndërprerje të udhëtimeve dhe ndikime të tjera të paparashikuara.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAmbasada u ka bërë thirrje qytetarëve që t’i ndjekin kumtesat zyrtare dhe këshillat e autoriteteve vendore, të informohen përmes mediave zyrtare dhe të shmangin zonat pranë objekteve të sigurisë dhe atyre ushtarake.
Ambasada ka bërë të ditur se do të vazhdojë të monitorojë situatën dhe do të njoftojë për çdo zhvillim të ri.
Për raste urgjente, shtetasit mund të kontaktojnë numrin emergjent në Riad: +966 53 750 88 35.
Ndërkaq, edhe Ambasada e Kosovës në Katar ka dalë me një njoftim të ngjashëm për qytetarët që jetojnë dhe punojnë atje.
Ambasada në Doha ka theksuar se do të vazhdojë ta monitorojë situatën dhe do të njoftojë për çdo zhvillim të ri. Për raste urgjente, qytetarët mund të kontaktojnë numrin emergjent: +974 5055 9453.
Ambasadat e Kosovës në Izrael dhe Abu Dhabi apelojnë shqiptarët për kujdes
Ambasadorja e Kosovës në Izrael, Ines Demiri, ka apeluar qytetarët e Kosovës që jetojnë në Izrael të jenë të kujdesshëm, pas sulmeve të SHBA-së e Izraelit kundër Iranit të shtunën.
Ajo ka udhëzuar qytetarët që të ndjekin njoftimet zyrtare dhe të zbatojnë udhëzimet e sigurisë të autoriteteve vendore.
“Ministria e Punëve të Jashtme dhe Diasporës, së bashku me Ambasadën e Kosovës në Izrael, po monitorojnë nga afër zhvillimet aktuale. Ju informojmë se Ambasada e Kosovës në Izrael është plotësisht në dispozicion të qytetarëve tanë dhe mbetet në komunikim të vazhdueshëm me institucionet përkatëse vendase. Për çdo rast urgjent, qytetarët e Republikës së Kosovës që ndodhen në Izrael mund të kontaktojnë në numrin: +972 586 340450”, thuhet në apelin e saj.
Edhe Ambasada e Kosovës në Abu Dhabi ka bërë thirrje për kujdes për shkak të rritjes së tensioneve në rajon, duke theksuar se ekziston rrezik i shtuar për përshkallëzim të situatës, i cili mund të sjellë ndërprerje të udhëtimeve dhe ndikime të tjera të paparashikuara.
"Ambasada u bën thirrje shtetasve të Republikës së Kosovës që jetojnë dhe punojnë në Emiratet e Bashkuara Arabe: • Të informohen rregullisht përmes burimeve zyrtare dhe mediave. • Të ndjekin udhëzimet e autoriteteve vendore. • Të shmangin zonat pranë objekteve të sigurisë dhe atyre ushtarake".