Rreth 30 drejtorë të departamenteve e udhëheqësve të divizioneve në Ministrinë e Arsimit, Shkencës dhe Teknologjisë, që janë larguar nga pozita e tyre e janë zëvendësuar me ushtrues detyre, nesër do të protestojnë.
Siç merr vesh Koha Ditore, ata sot kanë bojkotuar punën dhe janë takuar me sekretarin Ekrem Kastrati, të cilit i kanë shprehur pakënaqësitë e tyre për degradimin e pozitave.
Ata do të protestojnë nesër në orën 09:00 para MASHT-it.
Pozitat e tyre do të udhëhiqen me ushtrues detyre deri në përfundimin e procedurave të rekrutimit. Por, një pjesë e tyre ende nuk e dinë se në çfarë pozitash i kanë sistemuar.
Ata kanë paralajmëruar edhe padi pasi po i konsiderojnë si vendime të jashtëligjshme.
Artikuj të ngjashëm
-
Drejtorët e udhëheqësit e larguar paralajmërojnë padi ndaj MASHT-it
-
MASHT-i nis t’i risistemojë drejtorët e larguar
-
Drejtorët e larguar nga MASHT-i padisin Qeverinë
-
Drejtorët e udhëheqësit e larguar nga MASHT-i letër kryeministrit Haradinaj
-
Drejtorët e degraduar nga MASHT-i protestojnë para Ministrisë