2.000 banorë të bllokuar në 10 fshatra të Kamenicës, kërkojnë ndihmën e shtetit

Rrënimi i urës në fshatin Strezoc të Kamenicës, ka bllokuar dhjetë fshatra e rreth 2.000 banorë.

Ata tash e 10 ditë nuk mund t’i qasen qendrës së qytetit dhe shërbimeve tjera.

Një banor i kësaj ane, Fidan Rama, ka treguar për telashet që po hasin banorët, por edhe papërgjegjësinë e institucioneve sipas tij, për t’u marrë me këtë çështje.

“Kemi mbetur tash e 10 ditë të bllokuar, nuk kemi kurrfarë zgjidhje, kemi mbetur pa barna pas asgjë, s po del askush me na vizitu e as me na ndihmu. Kemi mbetur në mëshirën e Zotit. Tash edhe kohë fushate, nuk di nëse do të dalë dikush me na vizutu, nuk e di, por kemi mbetur shumë keq”, tha Rama nga fshati Strezoc.

Ditë më parë, për këtë urë dhe problemin e banorëve foli edhe kryetari i Kamenicës, Qëndron Kastrati. Ai në interaktiv të KTV-së, tha se komuna ka marrë gjitha masat që janë në kompetencë dhe mundësi të saj.

Edhe Arbëri 20 nën 2022 Dëmtohet ura në fshatin Vranoc të Pejës, banorët mbesin të ngujuar

Por, Rama thotë të kundërtën.

Vërshimet kanë shkaktuar dëme të mëdha në shumë komuna të Kosovës.