Agjencia Antikorrupsion ka nxjerr vendim, se Hajriz Koca, i emëruar Sekretar i Përgjithshëm në Ministrinë e Inovacionit është në konflikt interesi për këtë pozitë.
Siç thuhet në pikën e parë të këtij vendimi, kjo “për shkak se deri para se të zgjidhej dhe emërohet në këtë pozitë i njëjti ishte Këshilltar politik i Ministrit të po kësaj Ministrie”.
“Kjo situatë bie ndesh me dispozitat e Ligjit për Parandalimin e konfliktit të interesit e funksionit politik”, thuhet më tej në këtë pikë të vendimit, përcjell Koha.net.
“Agjencia do të kërkojë nga institucioni ku zyrtari i lartë ushtron funksionin që të fillojë procedurat për shkarkimin e tij”, thuhet në pikën e dytë të vendimit.
Vetë Koca nuk ka dashur ta komentojë këtë vendim. E ka lënë për nesër.
Edhe
Koca nuk përfill Antikorrupsionin që gjeti konflikt interesi, thotë se do të bëjë padi
“Nesër gjatë ditës do t’ju jap qëndrimin tim në lidhje me këtë çështje”, i ka thënë Koca KTV-së.
Kjo Agjenci ia ka konfirmuar KTV-së se ka nisur letërkëmbimet me Kocën, për ta parë mundësinë e konfliktit të interesit.
Para se të emërohej në këtë pozitë në fund të vitit të kaluar, Koca ka qenë këshilltar politik i ish-ministrit të Inovacionit, Besim Beqaj.
Ligji për parandalimin e konfliktit të interesit, neni 18, përcakton kufizimet kohore ndërmjet emërimeve të tilla të zyrtarëve.
Hajriz Koca, që ka lidhje familjare me Sami Lushtakun, ka qenë drejtor e zëdhënës i Komunës së Skenderajt, në kohën sa komuna udhëhiqej nga njeriu i PDK-së.
Edhe
Antikorrupsioni heton sekretarin e Ministrisë së Inovacionit për konflikt interesi
{gallery}
