Koalicioni për “Fillimin e ri” shkel ligjin me pano në monument në Prizren

Vendosja e materialit promovues zgjedhor në murin e jashtëm të kinemasë “Lumëbardhi” në Prizren, që është monument i trashëgimisë kulturore, ka ngjallur reagimin e menaxhuesve të këtij objekti, aktivistëve nga shoqëria civile dhe të Këshillit për Trashëgimi Kulturore të Qendrës Historike të Prizrenit.

i fundit të hënën ka adresuar një shkresë duke shprehur shqetësimin për shkeljet ligjore në këtë rast dhe ka kërkuar nga Drejtoria e Inspektorateve të Komunës së Prizrenit që të veprojë dhe ta largojë afishen nga muri i këtij monumenti të mbrojtur me ligj, shkruan sot “Koha Ditore”.

Në murin e jashtëm të kinemasë është vendosur një afishe e madhe, që promovon kandidatin e listës PDK-AAK-NISMA, Enver Hoxhaj. “Fillimi i ri” është motoja e këtij koalicioni.

“Këshilli për Trashëgimi Kulturore (KTK) i Qendrës Historike të Prizrenit shpreh shqetësimin rreth vendosjes së reklamës në objektin e kino “Lumëbardhit”, që është edhe monument i trashëgimisë kulturore nën mbrojtje të MKRS-së... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.