Twitteri po teston një veçori që do t'i lejojë përdoruesit të përdorin formate të ndryshme në një ‘tweet’ [cicërim] të vetëm, shkruan Bloomberg.
Kjo do të thotë që përdoruesit do të jenë në gjendje të shtojnë një foto, video dhe GIF në një ‘tweet’ të vetëm. Ata që përdorin Twitterin e dinë se deri më tani ishte e mundur të përdorej vetëm një lloj përmbajtjeje në një ‘tweet’. Deri më tani, përdoruesit mund të shtonin deri në katër foto, por nuk ishte e mundur të shtonin më shumë se një video ose GIF në një ‘tweet’ dhe as të bënin kombinime me foto.
"Ne e kemi testuar funksionin e ri në profile të caktuara për një kohë tani, dhe kjo i lejon njerëzit të kombinojnë katër pjesë të mediave në një ‘tweet’, pavarësisht nga formati i tyre. Ne po shohim që njerëzit kanë më shumë biseda vizuale në Twitter, duke përdorur foto , GIF dhe video për t'i bërë ato biseda më emocionuese. Në këtë test, ne duam të zbulojmë se si njerëzit kombinojnë formate të ndryshme mediatike për t'u shprehur në mënyrë më kreative në Twitter përtej 280 karaktereve", ka njoftuar Twitter.
Testimi është i kufizuar në një numër të caktuar profilesh në rajone të zgjedhura. Nuk dihet ende se kur funksionet e reja do të jenë të disponueshme për të gjithë përdoruesit.
