Agjencia e Telekomunikimit e Nigerisë ka paralajmëruar për një trend të ri në TikTok të quajtur “Sfida e Padukshmërisë”, i cili mund t’i ekspozojë pajisjet në viruse.
Sfida i nxit përdoruesit të incizojnë veten të zhveshur dhe më pas të përdorin filterin “Sfida e Padukshmërisë” për të zëvendësuar trupin e tyre me një prapavijë të turbullt.
Por, zyrtarët kanë thënë se disa përdorues kanë nisur të lidhin një link në video i cili shkarkon një virus në pajisjet e tyre, raportoi BBC.
Përmes kësaj, të dhënat e përdoruesve vidhen.
Sulmuesit po tërheqin përdoruesit duke shpërndarë video në TikTok si pjesë e trendit.
Hakerët po shpresojnë se linku do t’i vë në grackë përdoruesit të mendojnë se do të shohin trupa të zhveshur prapa videove.
Edhe
Kujdesi për lëkurën e të vegjëlve: “bota e errët e shfrytëzuese” të videove të bukurisë në TikTok
Në vend të kësaj, personat që klikojnë në link do të fusin virus në pajisje.
Autoritetet nigeriane kanë paralajmëruar se virusi mund “të jetë i aftë të grumbullojë fotografi, incizime ose të ketë aftësinë të aktivizojë secilën kamerë ose mikrofon që është i lidhur me pajisje”.
