Një gjykatë ruse ka gjobitur Googlein me një shumë parash që nuk e ka e gjithë bota për kufizimin e kanaleve të mediave shtetërore ruse në YouTube, raporton BBC.
Kjo do të thotë që gjigantit të teknologjisë i është thënë të paguajë 20,000,000,000,000,000,000,000,000,000,000,000 dollarë.
Pavarësisht se është një nga kompanitë më të pasura në botë, gjoba është dukshëm më shumë se vlera e Googleit prej 2 trilionë dollarësh.
Në fakt, gjoba është shumë më e madhe se Bruto produkti total i botës, i cili vlerësohet nga Fondi Monetar Ndërkombëtar të jetë 110 trilionë dollarë.
Gjoba ka arritur nivel kaq gjigant sepse - thotë agjencia shtetërore e lajmeve Tass - dyfishohet çdo ditë që nuk paguhet.
Edhe
Rusia gjobit Googlen me 78 milionë dollarë për injorim të gjobave të mëparshme
Sipas Tass, zëdhënësi i Kremlinit Dmitry Peskov pranoi se “as që mund ta shqiptojë këtë numër”, por i kërkoi “menaxhimit të Googleit që t'i kushtojë vëmendje”.
Kompania nuk ka reaguar.
